حکومتِ پنجاب نے کسانوں کی خوشحالی کے لیے “نواز شریف آئی ٹی سٹی” کے بعد “کاشتکار کارڈ” (Kisan Card) کا بڑا منصوبہ شروع کر دیا ہے۔ اس کارڈ کے ذریعے کاشتکاروں کو نہ صرف سستی کھاد اور بیج فراہم کیے جا رہے ہیں، بلکہ فصلوں کی بہتر پیداوار کے لیے ڈیڑھ لاکھ (150,000) روپے تک کا بلا سود قرض بھی دیا جا رہا ہے۔
اگر آپ ایک کسان ہیں اور اپنی زراعت کو بہتر بنانا چاہتے ہیں، تو یہ کارڈ آپ کی زندگی بدل سکتا ہے۔
کاشتکار کارڈ کے بڑے فوائد
- بلا سود قرضہ: ایک ایکڑ کے لیے 30,000 روپے سے لے کر 1.5 لاکھ روپے تک کا قرض، بغیر کسی سود کے۔
- سبسڈی والی کھاد: ڈی اے پی (DAP) اور یوریا کھاد پر خصوصی رعایت۔
- جدید مشینری: زرعی آلات اور ٹریکٹرز پر سبسڈی۔
- براہ راست ادائیگی: امدادی رقم براہ راست کسان کے کارڈ میں منتقل ہو جائے گی، کسی ایجنٹ کی ضرورت نہیں۔
اہلیت کا معیار (Who can apply?)
- درخواست گزار کا پنجاب کا رہائشی ہونا ضروری ہے۔
- کسان کے پاس 12.5 ایکڑ تک زرعی زمین ہونی چاہیے۔
- زمین کا ریکارڈ نادرا اور پی ایل آر اے (PLRA) سے تصدیق شدہ ہو۔
- کسان کسی بھی بینک کا نادہندہ (Defaultor) نہ ہو۔
رجسٹریشن اور کارڈ حاصل کرنے کا طریقہ
کاشتکار کارڈ بنوانے کے لیے ان مراحل پر عمل کریں:
مرحلہ 1: اپنا ڈیٹا چیک کریں اپنا شناختی کارڈ نمبر لکھ کر 8070 پر میسج کریں تاکہ آپ کو معلوم ہو سکے کہ آپ کا ریکارڈ زراعت کے محکمے میں موجود ہے یا نہیں۔
مرحلہ 2: قریبی ایچ بی ایل (HBL) کنیکٹ یا زرعی بینک جائیں اہلیت کی تصدیق کے بعد اپنے قریبی ایچ بی ایل کنیکٹ سینٹر یا زرعی ترقیاتی بینک (ZTBL) کی برانچ میں اپنا اصل شناختی کارڈ لے کر جائیں۔
مرحلہ 3: بائیومیٹرک تصدیق وہاں آپ کی بائیومیٹرک تصدیق کی جائے گی اور آپ کا اکاؤنٹ کھولا جائے گا، جس کے بعد آپ کو “کاشتکار کارڈ” جاری کر دیا جائے گا۔
مرحلہ 4: ہیلپ لائن سے رابطہ مزید معلومات کے لیے آپ زراعت ہیلپ لائن 0800-17000 پر کال کر سکتے ہیں۔
ڈسکلیمر (Disclaimer)
